🔴 By | गीतांजली थोरात
🟡 उज्जैनमध्ये चपला हरवल्या, मग घेतली कृत्रिम बुद्धिमत्तेची मदत!
मंदिरात दर्शनासाठी गेल्यानंतर चपला किंवा पादत्राणे कुठे ठेवली आहेत, हे शोधणे अनेकांसाठी नेहमीची समस्या असते. मात्र गोव्यातील शुभांग बोरकर यांनी या समस्येवर चक्क कृत्रिम बुद्धिमत्तेची मदत घेऊन उपाय शोधला.
उज्जैनमधील महाकाल मंदिराबाहेर मोठ्या संख्येने ठेवलेल्या चपला आणि पादत्राणांच्या गर्दीतून स्वतःच्या चपला शोधण्यासाठी त्यांनी चॅटजीपीटीचा वापर केला.
🟡 नेमकं काय केलं?
शुभांग यांनी मंदिराबाहेरील चपला-पादत्राणे ठेवलेल्या जागेचे छायाचित्र आणि चित्रफीत आपल्या भ्रमणध्वनीतून टिपली. त्यानंतर त्यांच्या स्वतःच्या चपलांचे स्वतंत्र छायाचित्र चॅटजीपीटीला दिले.
यानंतर त्यांनी चॅटजीपीटीला त्या छायाचित्रांमधील अनेक पादत्राणांमध्ये आपली चपलेची जोडी शोधण्यास सांगितले.
🟡 चॅटजीपीटीने दाखवली चपलांची जागा!
शुभांग यांनी पादत्राणे ठेवलेल्या जागेच्या वेगवेगळ्या भागांची छायाचित्रे चॅटजीपीटीला पाठवत राहिले. त्यानंतर कृत्रिम बुद्धिमत्तेने छायाचित्रांचे विश्लेषण करून त्यांच्या चपलांशी साधर्म्य असलेल्या जोडीचा शोध घेण्यास सुरुवात केली.
चॅटजीपीटीने पादत्राणे ठेवलेल्या जागेच्या उजव्या बाजूला, मधल्या भागाजवळ आणि खालच्या बाजूस लक्ष देण्यास सांगितले.
शुभांग यांनी त्या ठिकाणी जाऊन पाहिले असता त्यांना त्यांच्या चपला तेथेच आढळल्या.
🟡 प्रयोगाची चित्रफीत सामाजिक माध्यमांवर चर्चेत
शुभांग बोरकर यांनी या संपूर्ण प्रयोगाची चित्रफीत सामाजिक माध्यमांवर प्रसारित केली. हरवलेल्या चपला शोधण्यासाठी चॅटजीपीटीचा वापर केल्याचा हा अनुभव पाहून अनेकांनी आश्चर्य व्यक्त केले.
कृत्रिम बुद्धिमत्तेचा वापर आज लेखन, माहिती, भाषांतर, अभ्यास आणि विविध तांत्रिक कामांसाठी केला जातो. मात्र एखाद्या मंदिराबाहेर हरवलेल्या चपला शोधण्यासाठी तिचा असा वापर करण्यात आल्याने हा प्रयोग विशेष चर्चेत आला.
🟡 रोजच्या जीवनातील समस्यांसाठीही कृत्रिम बुद्धिमत्ता उपयोगी?
या घटनेतून कृत्रिम बुद्धिमत्तेच्या प्रतिमा विश्लेषण क्षमतेचा वेगळाच उपयोग समोर आला आहे. योग्य छायाचित्र आणि स्पष्ट सूचना दिल्यास एखाद्या दृश्यातील विशिष्ट वस्तू शोधण्यासाठी कृत्रिम बुद्धिमत्ता मदत करू शकते.
अर्थात, अशा प्रकारच्या शोधामध्ये कृत्रिम बुद्धिमत्ता नेहमीच अचूक परिणाम देईल असे नाही. मात्र शुभांग यांच्या बाबतीत हरवलेल्या चपलांचा शोध घेण्यासाठी तिची मदत उपयोगी ठरली.
चपला हरवल्या… माणसाने शोध घेतला, पण यावेळी त्याला साथ मिळाली ती चॅटजीपीटीच्या ‘कृत्रिम नजरेची’!
